Vísitala framleiðsluverðs hækkaði um 1,1% milli mánaða

Vísitala framleiðsluverðs í júní 2009 var 169,9 stig og hækkaði um 1,1% frá maí 2009. Vísitala framleiðsluverðs fyrir sjávarafurðir var 217,6 stig, sem er hækkun um 0,7% frá fyrri mánuði og vísitala fyrir stóriðju var 169,2 stig, hækkaði um 2,7%.

Þetta kemur fram á vefsíðu Hagstofunnar. Vísitalan fyrir matvæli hækkaði um 0,9% frá maí og vísitala fyrir annan iðnað lækkaði um 0,4%.

Vísitala framleiðsluverðs fyrir vörur sem framleiddar voru og seldar innanlands hækkaði um 0,4% milli mánaða en vísitala fyrir útfluttar afurðir hækkaði um 1,5%

Frá júní 2008 hefur vísitala framleiðsluverðs hækkað um 11,0% og verðvísitala sjávarafurða um 25,6%. Á sama hefur verð á afurðum stóriðju lækkað um 13,3% en matvælaverð hefur hækkað um 14,2%.