Exista greiddi ekki af skuldabréfi

Exista greiddi ekki af skuldabréfi sem var á gjalddaga í gær með vísan í viðræður sem nú standa yfir við lánadrottna félagsins.

Í tilkynningu segir að eins og fram kom í tilkynningu til Kauphallar 1. mars 2009, hyggst Exista leita samkomulags við handhafa skráðra skuldabréfa og víxla félagsins um frestun afborgana og vaxtagreiðslna sem koma til gjalddaga á meðan á viðræðum stendur við innlendar og erlendar fjármálastofnanir um endurskoðun lánasamninga og uppgjör gagnkvæmra krafna.

Þar sem viðræður standa enn yfir mun félagið ekki greiða afborgun af skuldabréfum EXISTA 07 2 sem er á gjalddaga í dag, 29. maí 2009.