Hærri skattur á álfyrirtæki

Björn Valur Gíslason, varaformaður fjárlaganefndar, vill að rætt verði við álfyrirtækin og fleiri stórfyrirtæki um að þau komi að lausn á fjárhagsvanda þjóðarinnar. Hann nefnir sérstaklega hækkun á tekjuskatti þessara fyrirtækja. Þetta kom fram í kvöldfréttum Ríkissjónvarpsins.

Björn Valur segir að við undirbúning að gerð fjárlaga hafi verið ræddur sá möguleiki að teknar verði upp viðræður við stóru alþjóðlegu fyrirtækin sem eru með starfsemi hér á landi enda hafi þau almennt samið um umtalsverðar skattaívilnanir.