Óbreyttir stýrivextir hjá Seðlabankanum

Peningastefnunefnd Seðlabanka Íslands hefur ákveðið að vextir lána gegn veði verði áfram 12% og vextir á viðskiptareikningum innlánsstofnana verði áfram 9,5%, en að daglánavextir lækki úr 16% í 14,5%.

Flestir höfðu búist við þessari niðurstöðu. Nánar verður gert grein fyrir ákvörðuninni klukkan 11 og er hægt að fylgjast með því í vefútsendingu á heimasíðu Seðlabankans.

Í tilkynningu um málið segir að Seðlabanki Íslands hefur einnig ákveðið að halda uppboð á innstæðubréfum til 28 daga. Uppboðin verða haldin vikulega á miðvikudögum. Fyrsta uppboðið verður haldið miðvikudaginn 30. september næstkomandi. Seðlabankinn býður út takmarkaða heildarfjárhæð og gagnaðilar bjóða í vexti, með 9,5% lágmarksvexti og 10% hámarksvexti.

Á hverju uppboði verða seld innstæðubréf að andvirði 15 - 25 milljarðar króna. Þáttaka í uppboðunum og réttur til að eiga innstæðubréfin takmarkast við innlendar innlánsstofnanir. Hægt er að leggja þau að veði gegn lánum í Seðlabankanum. Að hámarki er hægt að gera tilboð í 50% þess magns sem er í boði.