SPM fær greiðslustöðvun

Umsókn um greiðslustöðvun Sparisjóðs Mýrarsýslu (SPM) var lögð fram hjá Héraðsdómi Vesturlands og var samþykkt í dag. Greiðslustöðvunin gildir í þrjár vikur.

Í tilkynningu um málið segir að eins og greint var frá í fréttatilkynningu sem birtist í kauphöllinni þann 6. apríl síðastliðinn hugðist stjórn SPM sækja um greiðslustöðvun fyrir sparisjóðinn og ganga til nauðasamninga á grundvelli samkomulags við helstu lánardrottna sjóðsins.

Umsjónarmaður í greiðslustöðvun er Sigurður Arnalds hæstarréttarlögmaður. Lánardrottnum verða kynnt drög að nauðasamning fyrir SPM á næstu dögum. Ef nauðasamningar nást er stefnt að sameiningu SPM og Nýja Kaupþings banka hf.