Skertur réttur

Ætla má að stjórnendur og starfsfólk Straums sem virkjaði kaupréttarsaminga sína hafi á einni viku tapað 12,6 prósentum af kaupunum. Heildarverðmæti samningsins hafa að sama skapi rýrnað um 136 milljónir króna.

Gengi hlutabréfa í bankanum hafði rokið upp um rúm 100 prósent á mánuði áður en tilkynnt var um kaupréttarsamningana fyrir viku á viðmiðunargenginu 1,67 krónur á hlut. Þá stóð gengið í 2,53 krónum. Það hefur fallið um 42 prósent síðan þá, þar af um 19,3 prósent í gær þegar það endaði í 1,46 krónum á hlut. - jab