Kiki Vandeweghe verður þjálfari New Jersey

Gamla kempan og starfandi framkvæmdastjóri New Jersey Nets, Kiki Vandeweghe, mun taka að sér þjálfun lélegasta liðs NBA-deildarinnar í dag en Nets ráku Lawrence Frank skömmu áður en liðið tapaði sínum sautjánda leik í röð.

Vandeweghe tók að sér þetta erfiða starf eftir að hafa hitt eiganda félagsins, Rod Thorn. Hin reyndi Del Harris mun aðstoða Vandeweghe við þjálfun liðsins en það mun víst hafa haft mikið að segja að Kiki tók starfið að sér.

Fyrsti leikur Vandeweghe er ekki fyrr en á föstudaginn þegar liðið mætir Charlotte Bobcats. Aðstoðarþjálfari liðsins, Tom Barrise, mun stýra liðinu á móti Dallas mavericks annað kvöld en tap þar þýddi að Nets væri eina félagið í sögu NBA-deildarinnar sem hefði tapað fyrstu 18 leikjum sínum á tímabilinu.