Hluthafafundur Atorku fjallar um nauðasamninga

Stjórn Atorku Group hf. boðar til hluthafafundar félagsins miðvikudaginn 21. október 2009 kl. 10:00 á Hótel Hilton Nordica. Þar verður m.a. fjallað um nauðasamninga sem framundan eru hjá félaginu.

Í tilkynningu segir að á dagskrá fundarins séu eftirfarandi mál:

1. Drög að frumvarpi til nauðasamninga og afstaða kröfuhafa til þess kynnt.

2. Tillaga stjórnar félagsins um að hluthafafundur feli stjórninni að leita eftir heimild héraðsdóms til nauðasamningsumleitana.

Dagskrá fundarins og tillaga stjórnar félagsins í samræmi við framangreint munu liggja frammi til sýnis fyrir hluthafa á skrifstofu félagsins frá og með 14. október 2009.