Magasin du Nord: Súkkulaðisalan rýkur upp

Í frétt um málið á börsen.dk er haft eftir Jan Helleskov fjölmiðlafulltrúa Magasin að þeir vænti þess að jólaverslunin í ár verði almennt mun betri en hún var í fyrra. „Fólk hefur verslað hér í stórum stíl síðustu vikuna en það eru innkaup þar sem maður þarf ekki að hringja í bankann til að biðja um frekari yfirdrátt til að eiga fyrir þeim," segir Helleskov.

Fyrir utan súkkulaðið selt rússneska lúxusteið Kusmi einnig vel í jólaösinni í Magasin. Helleskov segir að salan á því sé 50% meiri en á sama tíma í fyrra og er greinilegt að það þykir henta jafnvel í gjafir sem beint í eldshússkápana heima við.

Helleskov segir að það sé augljóst að þrátt fyrir kreppu og þrengingar vilji fólk gera sitt besta til að hafa það huggulegt heima hjá sér þessi jólin.