Tesco vildi Tony sem andlit sitt

Tony Blair átti í viðræðum við verslunarkeðjuna Tesco um að hjálpa þeim að opna kjörbúðir í mið-austur löndum, í staðinn fengi hann um eina milljón punda. Talið er að viðræðurnar á milli fyrrum forsætisráðherrans, sem nú er friðarerindreki á svæðinu, og verslunarkeðjunnar hafi endað eftir að samkomulag náðist ekki.

Þessi uppljóstrun er talin geta skaðað vonir Blairs um að verða forseti Evrópusambandsins, þar sem gagnrýnendur munu telja þetta vera sönnun þess að hann sé jafn áhugasamur um að græða peninga og að skapa sér feril sem stjórnmálamaður.

Samkvæmt heimildum Dailymail, sem fjallar um málið í dag, hefði hlutverk Blairs fyrir Tesco einfaldlega verið að vera andliti þeirra í að brjóta sér leið inn á markaðinn á svæðinu.

Fyrirtækið, sem hefur flutt sniðugt viðskiptamódel sitt út um víða veröld, vildu að Blair nýtti alþjóðleg tengsl sín sem diplómatísk áhrif til þess „að opna dyr" fyrir þá. Blaðið segir að Tesco hafi orðið fyrir gríðarlegum vonbrigðum þegar upp úr samningaviðræðunum slitnaði.