Kreditkortavelta dregst saman um 12%

Kreditkortavelta heimila dróst saman um 11,9% fyrstu sex mánuði ársins miðað við sömu mánuði í fyrra. Debetkortavelta jókst hins vegar um 2,3% á sama tíma. Erlend greiðslukortavelta jókst um 77,5% á þessu tímabili. Þetta kemur fram í Hagvísum Hagsofunnar í dag.

Samtals dróst innlend greiðslukortavelta heimila í janúar-júní 2009 saman um 5,2%.

Greiðslukortavelta Íslendinga erlendis dróst saman um 25,6% en erlend greiðslukortavelta hérlendis jókst um 77,5% í janúar-júní 2009 miðað við sömu mánuði 2008.



Nýskráðum bílum fækkar um tæp 80%



Nýskráðir bílar á fyrstu sex mánuðum ársins voru 2.132 sem er 79,7% fækkun frá sama tímabili í fyrra. Síðastliðna tólf mánuði, til loka júlí, voru nýskráningar bíla 3.951 en það er 79,8% fækkun frá fyrra tólf mánaða tímabili.