Heildarvelta kreditkorta minnkar um 17,2% milli ára

Heildarvelta kreditkorta í ágústmánuði var 23,7 milljarðar kr. samanborið við 28,6 milljarða kr. á sama tíma í fyrra og er þetta 17,2 % samdráttur milli ára.

Þetta kemur fram í hagtölum Seðlabankans. Þar segir að heildarvelta kreditkorta hafi degist saman um 1,2 % í ágúst miðað við mánuðinn á undan.

Debetkortavelta var í ágúst 34,7 milljarðar kr. og dróst saman um 3,8 % frá fyrri mánuði. Sé heildardebetkortavelta borin saman við sama tíma í fyrra hefur heildardebetkortaveltan dregist saman um 4,2 % milli ára.