Athugasemd frá Nýja Kaupþingi

Meðfylgjandi er athugasemd frá Nýja Kaupþingi varðandi frétt á Vísi frá því í morgun.

Yfirfærsla á innstæðum fyrrum viðskiptavina SPRON gekk framar vonum þegar Fjármálaeftirlitið tók við rekstri SPRON. Fyrrum viðskiptavinir SPRON gátu í raun gert færslur á öllum debet og kredit reikningum um sólarhring eftir að Fjármálaeftirlitið tók yfir rekstur SPRON og fengu viðskiptavinirnir á sama tíma aðgang að netbanka.

Öll greiðslumiðlun gekk samkvæmt áætlun.

Hreyfingar á innlánsreikningum hjá fyrrum viðskiptavinum SPRON voru aðgengilegar í netbanka SPRON þar til skilanefndin lokaði honum. Nú hefur Nýja Kaupþing fengið leyfi til að sjá viðskiptasögu fyrrum viðskiptavina SPRON á innlánum þeirra.

Hægt verður prenta út yfirlit á öllum innlánsreikningum fyrrum viðskiptavina SPRON í næstu viku og ennfremur má búast við því að í ágúst geti fyrrum viðskiptavinir SPRON séð hreyfingar á allri viðskiptasögu innlána sinna í netbankanum.