Subasic rekinn frá Snæfelli

Snæfell hefur sagt upp samningi Slobodan Subasic og mun hann því ekki spila með liðinu gegn Grindavík á morgun.

Grindavík leiðir einvígi liðanna í undanúrslitum Iceland Express deildar karla, 2-0, og getur með sigri á morgun tryggt sér sæti í úrslitunum gegn annað hvort KR eða Keflavík.

Þetta kom fram á karfan.is en í samtali við síðuna segir Subasic ekki sáttur við þessi málalok. Segist hann hafa gagnrýnt hversu margir ungir leikmenn hafi spilað með Snæfelli gegn Grindavík og að það hafi fallið í grýttan jarðveg.

„Málið er ekki bara þessi gagnrýni hans á ungu leikmennina, heldur heilt yfir hans viðhorf og ótrúleg neikvæðni. Alilr sem hafa eitthvað vit á körfubolta sjá að hann hefur spilað hreint átakanlega illa,“ sagði Hlynur Bæringsson, leikmaður og annar þjálfari Snæfells, í samtali við karfan.is.