Norðmenn og Svíar lána ekki fyrr en Icesave er lokið

Norðmenn og Svíar vilja ekki lána Íslendingum nema fyrir liggi niðurstaða í Icesave málinu. Þetta kemur fram í skriflegu svari forsætisráðherra við fyrirspurn Vigdísar Hauksdóttur, þingmanns Framsóknarflokks.

Afstaða Norðmanna og Svía kom þannig í veg fyrir að Alþjóðagjaldeyrissjóðurinn gæti tekið fyrir endurskoðun efnhagsáætlunar Íslands í byrjun þessa árs.

Endurskoðunin tafðist í níu mánuði vegna þessa en fram kom á blaðamannfundi sendinefndar Alþjóðagjaldeyrissjóðsins í gær að enn ríki nokkur óvissa með norrænu lánin.

Fjárlaganefnd Alþingis hefur Icesave frumvarp ríkisstjórnarinnar til umfjöllunar en vilji ríkisstjórnarinnar stendur til þess að klára málið fyrir jól.