Tekur hálfan dag

Endurskoðunarfyrirtækið KPMG stendur fyrir ráðstefnu um endurreisn landsins á morgun. Yfirskriftin er „Endurskipulagning á erfiðum tímum“ og veitir sannarlega ekki af ráðum um slíkt athæfi. Fjöldi fyrirlesara heldur erindi; Gylfi Magnússon, efnahags- og viðskiptaráðherra, Birna Einarsdóttir, bankastjóri Íslandsbanka, Sigurður Jónsson, forstjóri KPMG, og Craig Masters, sérfræðingur um endurskipulagningu fyrirtækja, svo einhverjir séu nefndir.

Ekki telur fyrirtækið endurreisn landsins mikið mál, ef marka má þann tíma sem fer í ráðslagið. Hálfan dag þarf til að komast að því hvað ber að gera til endurreisnar. Vonandi að sem flestir hlusti þessa nokkra klukkutíma og læri réttu handtökin.