Keflavík og ÍR með sigra

Auk sigurs Grindavíkur á KR voru tveir aðrir leikir í Iceland Express-deildinni í kvöld.

Keflavík vann útisigur á FSu 81-78. FsU var með fjögurra stiga forskot í hálfleik en Íslandsmeistararnir voru sterkari í seinni hálfleiknum. Hörður Axel Vilbergsson skoraði 29 stig fyrir Keflavík.

Það var gríðarleg spenna í leik Tindastóls og ÍR. Staðan var 97-97 eftir venjulegan leiktíma. Eftir framlengingu var enn jafnt, 105-105 og því þurfti aðra framlengingu. Þar hafði ÍR betur og úrslitin 117-118 fyrir Breiðhyltinga.