Greiðslustöðvun Kaupþings framlengd til 13. ágúst 2010

Í tilkynningu segir að á fundi 20. október sl. fengu kröfuhafar Kaupþings yfirlit yfir framgang mála frá síðasta kröfuhafafundi sem var haldinn í febrúar á þessu ári. Ólafur Garðarsson, aðstoðarmaður í greiðslustöðvun og stjórnarmaður í slitastjórn Kaupþings kynnti áform um að óskað yrði eftir framlengingu á greiðslustöðvuninni um níu mánuði.

Bankanum var upphaflega veitt heimild til greiðslustöðvunar 24. nóvember 2008 til 13. febrúar 2009. Greiðslustöðvunin var framlengd frá 13. febrúar til 13. nóvember 2009. Loks hefur greiðslustöðvunin verið framlengd um níu mánuði, til 13. ágúst 2010, með úrskurði Héraðsdóms Reykjavíkur í dag.