Líkur á nýju veltumeti á skuldabréfamarkaðinum

„Það eru góðar líkur á að nýtt veltumet verði slegið á skuldabréfamarkaði í vikunni," segir Þórður Friðjónsson, forstjóri Kauphallarinnar.

Heildarvelta með skuldabréf nam rúmum 24,6 milljörðum króna í Kauphöllinni í gær og var þetta veltumesti dagur ársins. Til samanburðar nam heildarvelta allrar síðustu viku, þeirrar bestu á árinu, 58,3 milljörðum króna.

Þórður segir veltuna í gær framhald af þeirri þróun sem sést hafi upp á síðkastið að viðbættu útboði Seðlabankans á ríkisbréfum, sem fram fór í gær. „Við teljum að skuldabréfamarkaðurinn nái sér á strik á þessu ári," segir hann. - jab