Innlent

Dómur barnaníðings þyngdur um þrjú ár

Jón Hákon Halldórsson skrifar

Hæstiréttur dæmdi í dag karlmann í fimm ára fangelsi fyrir kynferðisbrot gegn barnungri dóttur hans. Brotin áttu sér stað á tímabilinu september 2007 til nóvember 2008. Telpan var tveggja og hálfs árs þegar misnotkunin hófst.

Dómnum þótti sannað að brotin, sem fela í sér kynferðismök önnur en samræði, hefðu verið ítrekuð, alvarleg og til þess fallin að hafa mikil og varanleg áhrif á telpuna. Héraðsdómur Reykjavíkur hafði áður dæmt manninn í tveggja ára fangelsi. Maðurinn er sakhæfur en á við alvarlega persónuleikaröskun að stríða samkvæmt mati sálfræðinga.

Telpunni, sem er fædd árið 2005, voru dæmdar 1500 þúsund krónur í miskabætur.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.