Eignir tryggingarfélaga hækkuðu lítillega milli mánaða

Heildareignir tryggingarfélaganna námu 139,0 milljörðum kr. í lok maí og hækkuðu um 0,4 milljarða kr. milli mánaða.

Þetta kemur fram í hagtölum Seðlabankans. Þar segir að útlán og markaðsverðbréf námu 56,8 milljörðum kr. og hækkuðu um 3,8 milljarða kr. í mánuðinum en aðrar eignir, sem samanstanda að mestu af hlutdeildarfélögum og dótturfélögum, lækkuðu um tæpa 2,0 milljarða kr. og námu 58,9 milljörðum kr. í lok mánaðarins.

Eigið fé nam 37,2 milljarða kr. og hækkaði um 1,6 milljarða kr. í maí.