Eftir atvikum

Þótt fjármálakreppan hafi bugað og beygt marga af auðugustu einstaklingum landsins telst þeim til tekna að þeir hafa húmor fyrir aðstæðum sínum. Varla getur verið auðvelt að halda í góða skapið eftir áföll í fjárfestingum og þung högg kreppunnar, sem á stundum hafa sett skarð í veldi þeirra, jafnvel svo það lætur verulega á sjá. Í einhverjum tilvikum hefur verið greint frá heilu auðmannafjölskyldunum sem standa á bjargbrúninni og hafa neyðst til að horfa á uppbyggingu síðustu ára hrynja til grunna. Það nýjasta sem hrynur af vörum fjárfesta síðustu daga spurt hvernig þeir hafi það er því eðlilega: „Eftir atvikum.“