Fjárfestar í röðum eftir að fá að kaup hlut Baugs í Iceland

Fjárfestingarbankar standa nú í röð eftir að komast að samningaborði skilanefndar Landsbankans með kaup á 14% hlut Baugs í verslunarkeðjunni Iceland.

Þetta kemur fram á vefsíðunni Timesonline i dag. Þar segir að fulltrúar skilanefndarinnar hafi hitt forráðamenn nokkurra fjárfestingabanka á undanförnum tveimur vikum til að ræða hugsanlega sölu á hlutnum.

Talsmaður Landsbankans segir í samtali við Times að ekki standi til að selja þennan hlut í bráð. Heimildir Times herma hinsvegar að mikill áhugi sé innan Landsbankans að selja þennan hlut strax.