Tap Eimskips 38,5 milljarðar á öðrum ársfjórðungi

Tap Eimskips eftir skatta var 214,5 milljónir evra, eða 38,5 milljarðar kr. á öðrum ársfjórðungi ársins samanborið við 100,8 milljóna evra tap á sama tímabili í fyrra.

Í tilkynningu um afkomuna segir að afkoma af flutningastarfsemi batni verulega frá því á fyrsta ársfjórðungi en að virðisrýrnun á eignarhlut í frystigeymslustarfsemi nemi 176,1 milljón evra. Hér er átt við Versacold Atlas.

Heildareignir í lok fjórðungsins voru 1.540,6 milljónir evra. Heildarskuldir í lok fjórðungsins voru 1.931,0 milljónir evra. Eigið fé í lok fjórðungsins var neikvætt um 390,4 milljónir evra eða tæplega 70 milljarða kr.