17,2 milljarðar í örorkubætur á síðasta ári

Heildargjöld félags- og tryggingamálaráðuneytisins námu rúmum 83,1 milljarði króna fyrir árið 2008. Af þeirri upphæð var örorkulífeyrir ríflega 17,2 milljarðar króna en árið áður nam kostnaður ráðuneytisins vegna örorkulífeyris 13,7 milljörðum króna. Aukningin á milli ára er því 25,5 prósent.

Félags- og tryggingamálaráðuneytið er þriðja kostnaðarsamasta ráðuneyti landsins en Vísir sagði frá því fyrr í dag að fjármálaráðuneytið bæri mestan kostnað af öllum ráðuneytum landsins eða 274,6 milljörðum króna.

Kostnaður heilbrigðisráðuneytisins nam tæpum 112,2 milljörðum króna.