Kaup Gaums á fasteignum Baugs til skoðunar

Skiptastjóri þrotabú Baugs er með til skoðunar kaup Gaums á fasteignum frá Baugi skömmu áður en félagið fór í gjaldþrot. Breska dagblaðið The Daily Telegraph greinir frá þessu.

Bæði Gaumur og Baugur eru að stórum hluta í eigu Jóns Ásgeirs Jóhannessonar og fjölskyldu hans. Fasteignirnar sem um ræðir eru tvær íbúðir í London, ein í Kaupmannahöfn og skíðaskáli í Frakklandi.

Jón Ásgeir Jóhannesson segir að viðskiptin með þessar fasteignir hafi verið eðlileg og farið fram eftir óháð mat þriðja aðila .