FSA staðfestir viðræður um Icesave 4. mars 2009 15:40 Fréttastofan hefur fengið það staðfest hjá breska fjármálaeftirlitinu (FSA) að viðræður áttu sér stað milli FSA og Landsbankans um að koma Icesave-reikningunum í breska lögsögu s.l. haust. FSA segir að þessar viðræður hafi ekki leitt til neins samkomulags og vill að öðru leyti ekki tjá sig um málið enda sé það starfsregla hjá embættinu að ræða ekki um mál einstakra félaga/fyrirtækja sem heyra undir það. Eins og fram hefur komið í fréttum er nú deilt um hvort fyrrgreindar viðræður hafi yfirhöfuð farið fram. Fréttastofa hefur séð tvö bréf tengd málinu. Annarsvegar það bréf sem birt var í Kastljósi þar sem bankastjórar Landsbankans segja að bankinn eigi í viðræðum við FSA um hraðvirka dótturfélagavæðingu vegna Icesave. Bréfið er stílað á Seðlabanka Íslands og dagsett sunnudaginn 5. október. Þar benda bankastjórarnir á þrjá hluti sem gerst höfðu þann daginn og þeim fannst að Seðlabankinn ætti að vita af. Þar á meðal eru viðræður bankans við Hector Sants, forstjóra FSA í Bretlandi um að framkvæma „hraðvirka dótturfélagavæðingu" Icesave reikninganna í Bretlandi. „Við viljum koma þessum upplýsingum á framfæri og því breytta mati sem þetta getur leitt til á stöðu Landsbankans," segir í bréfinu sem undirritað er af þeim Halldóri J. Kristjánssyni og Sigurjóni Þ. Árnasyni forstjórum bankans. Bréfið sem sent var FSA frá Landsbankanum. Hitt bréfið sent af starfsmanni Landsbankans til starfsmanns breska fjármálaeftirlitsins, aðfararnótt 6. október, þar sem meðal annars kemur fram að Landsbankinn hafi verið í sambandi við Hector Sants hjá FSA fyrr um kvöldið. Í þessu bréfi er rætt um 200 milljón punda greiðslu til útibús bankans í Bretlandi til þess að mæta útstreymi fjármagns frá útibúinu auk þess sem leggja þurfi Heritable bankanum til 53 milljónir punda. Farið hafi verið fram á fyrirgreiðslu frá Seðlabankanum af þeim sökum. „Okkur skilst að Seðlabankinn muni taka afstöðu til málsins á morgun og við munum millifæra upphæðirnar um leið og við fáum þær frá bankanum," segir í bréfinu. „Ég vona að þessar ráðstafanir mæti skilmálunum sem ræddir voru fyrr í kvöld við þig og Hr. Hector Sants," segir að lokum. Bréfið sem sent var Seðlabankanum þar sem rætt er um hraðvirka meðferð varðandi Icesave. Engin fyrirgreiðsla fékkst hins vegar frá Seðlabankanum og í kjölfar setningar neyðarlaga á Alþingi var Landsbankinn tekinn yfir af Fjármálaeftirlitinu aðfararnótt þriðjudagsins 7. október.Nokkru síðar lýsti Björgólfur Thor Björgólfsson því í Kompásþætti að flýtimeðferð hefði verið í boði og að Seðlabankanum hafi verið kunnugt um það.Þessu neitaði Seðlabankinn í yfirlýsingu og sagði Björgólf fara með rangt mál, ekkert hafi verið minnst á flýtimeðferð vegna Icesave. Mest lesið Olís sektað um kvartmilljón vegna fullyrðinga um kolefnisjöfnun Neytendur Fyrsta íslenska grænkera ostagerðin í hættu Viðskipti innlent Ferðum Play til London, Parísar og Berlínar „sjálfhætt“ Viðskipti innlent Verslunarrisar mættir til leiks Viðskipti innlent Erfitt að vera mikið einn í vinnu og án mikilla samskipta Atvinnulíf Vill að Alþingi skipi rannsóknarnefnd vegna forsætisráðherra Viðskipti innlent Vara við eggjum í kleinuhringjum Neytendur Í vinnutengdri ástarsorg Atvinnulíf Launin reyndust tæp hálf milljón á mánuði Viðskipti innlent Leist ekki á hagtölur og rak yfirmann stofnunarinnar Viðskipti erlent Fleiri fréttir Tímabundin dreifing á sjónvarpsefni Sýnar hjá Símanum Hækkun tolla eins og þruma úr heiðskíru lofti Forstjóraskipti hjá Ice-Group Kísiltollar gætu vel endað fyrir gerðardómi Hvalur hf. stefnir íslenska ríkinu Arion hagnaðist um tíu milljarða á öðrum fjórðungi Ferðum Play til London, Parísar og Berlínar „sjálfhætt“ Festi hagnast umfram væntingar Þota Play komin úr viðgerð eftir skemmdir vegna hagléls Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Sjá meira
Fréttastofan hefur fengið það staðfest hjá breska fjármálaeftirlitinu (FSA) að viðræður áttu sér stað milli FSA og Landsbankans um að koma Icesave-reikningunum í breska lögsögu s.l. haust. FSA segir að þessar viðræður hafi ekki leitt til neins samkomulags og vill að öðru leyti ekki tjá sig um málið enda sé það starfsregla hjá embættinu að ræða ekki um mál einstakra félaga/fyrirtækja sem heyra undir það. Eins og fram hefur komið í fréttum er nú deilt um hvort fyrrgreindar viðræður hafi yfirhöfuð farið fram. Fréttastofa hefur séð tvö bréf tengd málinu. Annarsvegar það bréf sem birt var í Kastljósi þar sem bankastjórar Landsbankans segja að bankinn eigi í viðræðum við FSA um hraðvirka dótturfélagavæðingu vegna Icesave. Bréfið er stílað á Seðlabanka Íslands og dagsett sunnudaginn 5. október. Þar benda bankastjórarnir á þrjá hluti sem gerst höfðu þann daginn og þeim fannst að Seðlabankinn ætti að vita af. Þar á meðal eru viðræður bankans við Hector Sants, forstjóra FSA í Bretlandi um að framkvæma „hraðvirka dótturfélagavæðingu" Icesave reikninganna í Bretlandi. „Við viljum koma þessum upplýsingum á framfæri og því breytta mati sem þetta getur leitt til á stöðu Landsbankans," segir í bréfinu sem undirritað er af þeim Halldóri J. Kristjánssyni og Sigurjóni Þ. Árnasyni forstjórum bankans. Bréfið sem sent var FSA frá Landsbankanum. Hitt bréfið sent af starfsmanni Landsbankans til starfsmanns breska fjármálaeftirlitsins, aðfararnótt 6. október, þar sem meðal annars kemur fram að Landsbankinn hafi verið í sambandi við Hector Sants hjá FSA fyrr um kvöldið. Í þessu bréfi er rætt um 200 milljón punda greiðslu til útibús bankans í Bretlandi til þess að mæta útstreymi fjármagns frá útibúinu auk þess sem leggja þurfi Heritable bankanum til 53 milljónir punda. Farið hafi verið fram á fyrirgreiðslu frá Seðlabankanum af þeim sökum. „Okkur skilst að Seðlabankinn muni taka afstöðu til málsins á morgun og við munum millifæra upphæðirnar um leið og við fáum þær frá bankanum," segir í bréfinu. „Ég vona að þessar ráðstafanir mæti skilmálunum sem ræddir voru fyrr í kvöld við þig og Hr. Hector Sants," segir að lokum. Bréfið sem sent var Seðlabankanum þar sem rætt er um hraðvirka meðferð varðandi Icesave. Engin fyrirgreiðsla fékkst hins vegar frá Seðlabankanum og í kjölfar setningar neyðarlaga á Alþingi var Landsbankinn tekinn yfir af Fjármálaeftirlitinu aðfararnótt þriðjudagsins 7. október.Nokkru síðar lýsti Björgólfur Thor Björgólfsson því í Kompásþætti að flýtimeðferð hefði verið í boði og að Seðlabankanum hafi verið kunnugt um það.Þessu neitaði Seðlabankinn í yfirlýsingu og sagði Björgólf fara með rangt mál, ekkert hafi verið minnst á flýtimeðferð vegna Icesave.
Mest lesið Olís sektað um kvartmilljón vegna fullyrðinga um kolefnisjöfnun Neytendur Fyrsta íslenska grænkera ostagerðin í hættu Viðskipti innlent Ferðum Play til London, Parísar og Berlínar „sjálfhætt“ Viðskipti innlent Verslunarrisar mættir til leiks Viðskipti innlent Erfitt að vera mikið einn í vinnu og án mikilla samskipta Atvinnulíf Vill að Alþingi skipi rannsóknarnefnd vegna forsætisráðherra Viðskipti innlent Vara við eggjum í kleinuhringjum Neytendur Í vinnutengdri ástarsorg Atvinnulíf Launin reyndust tæp hálf milljón á mánuði Viðskipti innlent Leist ekki á hagtölur og rak yfirmann stofnunarinnar Viðskipti erlent Fleiri fréttir Tímabundin dreifing á sjónvarpsefni Sýnar hjá Símanum Hækkun tolla eins og þruma úr heiðskíru lofti Forstjóraskipti hjá Ice-Group Kísiltollar gætu vel endað fyrir gerðardómi Hvalur hf. stefnir íslenska ríkinu Arion hagnaðist um tíu milljarða á öðrum fjórðungi Ferðum Play til London, Parísar og Berlínar „sjálfhætt“ Festi hagnast umfram væntingar Þota Play komin úr viðgerð eftir skemmdir vegna hagléls Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Sjá meira