Valitor: Kortaþjónustan er síkvartandi

Kortaþjónustan hefur kvartað undan tuttugu fyrirtækjum á árinu til samkeppniseftirlitsins - oftast bönkum - en mögulegt er að það sé ekki tæmandi tala samkvæmt tilkynningu sem Valitor sendi frá sér.

Vísir sagði frá því fyrr í dag að Kortaþjónustan hafi kvartað undan Valitor og sakað þá um að mismuna viðskiptavinum. Málið er inn á borði Samkeppniseftirlitsins sem hefur vart undan kvörtunum Kortaþjónustunnar sem hefur meðal annars kvartað undan öllum þjónustubönkunum auk fjölmargra sparisjóða samkvæmt tilkynningu Valitors.

Kortaþjónustan er umboðsaðili danska kortafyrirtækisins PBS á Íslandi og starfar á færsluhirðingarmarkaði í umboði danska félagsins. PBS er í eigu viðskiptabankanna í Danmörku og danska Seðlabankans. Í tilkynningu Valitors segir að PBS njóti einokunarstöðu á dönskum færsluhirðingarmarkaði.

Í tilkynningu Valitors segir ennfremur að þeir telji kæru Kortaþjónustunnar ekki eiga við rök að styðjast og árétta að Valitor hafi fylgt reglum í hvívetna.

Samkeppniseftirlitið gerði húsleit hjá fyrirtækinu fyrir rúmri viku síðan vegna kvartanna.

Fyrirtækin sem Valitor heldur fram að Kortaþjónustan hafi kvartað undan til samkeppniseftirlitsins eru eftirfarandi:

Nýi Kaupþing banki hf.

Nýi Landsbankinn hf.

Íslandsbanki hf.

Netbankinn

Kreditkort hf

Sparisjóður Reykjavíkur og nárgrennis (SPRON)

BYR- Sparisjóður

Sparisjóðurinn í Keflavík

Sparisjóður Bolungarvíkur

Sparisjóður Höfðhverfinga

Sparisjóður Vestmannaeyja

Sparisjóður Mýrarsýslu

Sparisjóður Norðfjarðar

Sparisjóður Ólafsfjarðar

Sparisjóður Strandamanna

Sparisjóður Suður Þingeyinga

Sparisjóður Svarfdæla

Sparisjóður Þórshafanr og nágrennis

AFL sparisjóður (Sparisjóður Siglufjarðar)

VALITOR