Engin lán hafa verið gjaldfelld

Viðræður innlendra og erlendra kröfuhafa við stjórnendur Existu um endurskipulagningu félagsins héldu áfram í gær.

Kröfuhafar höfðu hótað að gjaldfella lán félagsins gengju stjórn og stjórnendur félagsins ekki að skilmálum þeirra. Af því varð ekki en talið var líklegt að slíkt gæti gerst í vikunni.

Þá lagði Exista lagði fram lögbannskröfu til sýslumannsins í Reykjavík í vikubyrjun vegna þrettán milljarða króna millifærslu úr Nýja Kaupþingi yfir í gamla Kaupþing. Krafan liggur enn óafgreidd, samkvæmt upplýsingum frá Existu. - jab