Salan á líkamsræktarstöðvum JJB Sports komin í uppnám

Íslenska ríkið er einn stærsti hluthafi JJB Sports eftir að Kaupþing leysti til sín tæpan þriðjungshlut Exista og Chris Ronnie með veðkalli. Fram kemur í frétt um málið í The Times að ef 70 milljón punda kaupsamningur Whelan gengur ekki í gegn í þessari viku bíði JJB Sports ekkert annað en greiðslustöðvun.

Féið þurfi JJB Sports til að borga af lánum sínum hjá Lloyds, Kaupþingi og Barclays bönkunum og til að greiða leigu til leigusala sinna.

Times segir að stjórnvöld á Bretlandi hafi beitt sér fyrir því að losa um 40 milljónir punda sem Whelan átti frosnar inni í Kaupþingi í Bretlandi til að liðka um fyrir kaupunum á líkamsræktarstöðvunum.

Barátta Ashley hefur einkum gengið út á að fá þá leigusala sem stöðvarnar eru hýstar í til þess að hafna kaupum Whelan á þeim. Hefur honum víst orðið töluvert ágengt. Ashley vill að hans eigin íþróttavöruverslanakeðja, Sports Direct, fái aðstöðu á þessum stöðum.

Times segir að fall JJB Sports muni hafa afleiðingar af sömu stærðargráðu og hrun Woolworths verslanakeðjunnar. Tæplega 12.000 manns eigi á hættu að tapa vinnu sinni.