Ríkiskaup semja við Vodafone

Fulltrúar Ríkiskaupa og Vodafone hafa undirritað rammasamning um alhliða fjarskiptaþjónustu. Samningurinn tryggir opinberum stofnunum og sveitarfélögum aðgengi að sérstökum kjörum á síma- og netþjónustu, sem Ríkiskaup semja um í krafti stærðar sinnar.

Í tilkyningu segir að fyrir milligöngu Ríkiskaupa er þannig tryggt, að stofnanir geta sparað verulega með einföldum hætti og hagrætt í sínum rekstri. Samningurinn nær til talsímaþjónustu, farsímaþjónustu, internetþjónustu og gagnaflutninga.

Nýi rammasamningurinn tók gildi þann 1. september, en hann leysti af hólmi eldri samning milli Ríkiskaupa og Vodafone.