Carnegie kærir sviptinguna á starfsleyfi bankans

Stjórn móðurfélags Carnegie bankans í Svíþjóð hefur ákveðið að kæra ákvörðun sænska fjármálaeftirlitsins um að svipta bankann starfsleyfi sínu. Verður málið sent fjármáladómstól landsins, Länsrätten, fyrir áramót.

 

Þann 10. Nóvember s.l. gaf fjármálaeftirlitið út úrskurð sinn um að starfsleyfi Carnegie væri afturkallað sem og leyfi hans til að stunda viðskipti með verðbréf. Skömmu síðar yfirtók sænska ríkið bankann.

 

Í tilkynningu frá stjórn móðurfélagsins segir m.a. að stjórnin vilji að Länsrätten afturkalli þessa ákvörðun eftirlitsins.

 

Samkvæmt frétt í Berlingske Tidende var verðmatið á Carnegie 1,4 milljarðar sænskra kr. þegar fjármálaeftirlit Svíþjóðar svipti Carnegie bankaleyfi og sænska ríkið yfirtók hann svo í framhaldinu. Milestone átti, í gegnum Moderna Finance, 10% í Carnegie og ef það er orðið verðlaus eign er tap Milestone tæplega 2,4 milljarðar kr..