Innlent

Gefur lítið fyrir rökstuðning ráðherra

Guðmundur Kristjánsson hæstaréttarlögmaður hyggst kvarta til umboðsmanns Alþingis vegna þeirrar ákvörðunar Árna Mathiesen, setts dómsmálaráðherra, að skipa Þorstein Davíðsson í embætti dómara við Héraðsdóm Norðurlands eystra og Héraðsdóms Austurlands.

Þetta ákvað Guðmundur eftir að hafa kynnt sér rökstuðning Árna Mathiesen fyrir skipuninni. Veigamestu rökin í rökstuðningi ráðherra voru þau að Þorsteinn hefði fjölbreytta reynslu og þekkingu, ekki síst vegna starfa sem aðstoðarmaður dómsmálaráðherra um fjögurra ára skeið.

Guðmundur sagði í samtali við Vísi að hann gæfi lítið fyrir rökstuðninginn og hann myndi nú undirbúa af kostgæfni kvörtun sína til umboðsmanns Alþingis.

Guðmundur var auk tveggja annarra metinn hæfari en Þorsteinn Davíðsson til starfans af sérstakri matsnefnd. Annar þeirra, Pétur Dam Leifsson, lektor við lagadeild Háskóla Íslands og félagsvísinda- og lagadeild Háskólans á Akureyri, óskaði einnig eftir rökstuðningi ráðherra vegna skipunarinnar. Pétur sagði í samtali við Vísi að hann hefði ekki séð rökstuðning ráðherra og því hefði hann ekki ákveðið hvort hann myndi leita til umboðsmanns Alþingis með málið.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið