Viðskipti erlent

Rauð jól á flestum hlutabréfamörkuðum

Dapur verðbréfamiðlari í Asíu.
Dapur verðbréfamiðlari í Asíu. Mynd/AFP

Rauður jólalitur hefur einkennt hlutabréfamarkaði um gervalla heimsbyggðina eftir að bandarískir öldungadeildarþingmenn felldu tillögu um að veita bandarískum bílaframleiðendum neyðarlán til að koma þeim yfir erfiðan hjalla og forða þeim frá því að keyra í þrot.

FTSE-vísitalan í Bretlandi hefur fallið um 2,4 prósent það sem af er dags, Dax-vísitalan í Þýskalandi um 3,59 prósent og Cac-40 vísitalan í Frakklandi um fjögur prósent.

Þá hefur nokkur lækkun sömuleiðis verið á norrænu hlutabréfamörkuðunum. Mest er lækkunin í Noregi, eða 3,5 prósent, en minnst á hlutabréfamarkaði í Danmörku, 1,7 prósent.

Þá varð talsvert fall á japönskum hlutabréfamarkaði í morgun, eða fimm prósent.

Eftir að neyðarlánin fór út af borði öldungadeildarþingmanna í Washington í gær féllu helstu vísitölur þar í landi. Dow Jones-vísitalan fór niður um 2,4 prósent og S&P 500-vísitalan um rúm 2,8 prósent.





Erlent Fréttir Viðskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið