Betsson datt ekki í lukkupottinn

Betsson hagnaðist um 58 milljónir sænskra króna, sem jafngildir um 700 milljónum íslenskra á fyrsta ársfjórðungi 2008. Gert hafði verið ráð fyrir að hagnaðurinn yrði á bilinu 60-65 milljónir sænskra króna.

Nettóhagnaður var 54 milljónir sænskra króna eða 650 milljónir íslenskra króna. Þetta þýðir að hagnaðurinn var 1,36 sænskar krónur á hlut. Nettóvelta fyrirtækisins var 228 milljónir sænskra króna, eða um 2,7 milljarðar, en spáð hafði verið að nettóveltan yrði á bilinu 201 - 210 milljónir sænskar, eða um 2,4 - 2,5 milljarðar íslenskra króna.

Betsson gerir ráð fyrir að netspil verði vinsælli á næstunni og markaðurinn því stækka. Gerir Betsson ráð fyrir því að hlutdeild þeirra á markaðnum verði um 20-30 prósent.