Ólafur: Hugsanlega hefði verið betra að sleppa málefnasamningnum

Ólafur F. Magnússon borgarstjóri telur að meirihluti Sjálfstæðisflokks og Frjálslyndra og óháðra hefði hugsanlega hlotið betra umtal hefði meirihlutinn sleppt því að setja saman málefnasamning í janúar síðast liðnum. Ólafur vék að störfum meirihlutans og umræðunni um hann á fundi borgarstjórnar fyrr í dag.

Ólafur sagði umræðuna um meirihlutann vera hlutdræga og ósanngjarna þar sem einungis væri hamrað á því neikvæða. Þá sagði hann kjósendur veita borgarstjórn umboð sitt í kosningum þannig að ekki skipti máli hver sigraði í skoðanakönnunum. Betra væri að láta verkin tala og það ætlaði hann að gera.