Ársreikningur Nyhedsavisen enn ekki kominn

Ársreikingur Nyhedsavisen hafði ekki borist Viðskipta- og félagaskráningu Danmerkur í hendur í morgun. Í gær var síðasti dagurinn til að senda reikinginn inn.

Blaðið Börsen hefur það eftir Lars Bunch skrifstofustjóra Viðskipta- og félagaskráningarinnar að samkvæmt venju verði útgáfa Nyhedsavisen leyst upp um miðjan ágúst fái þeir ekki reikninginn í hendur.

Börsen bendir einnig á að fjórir af stjórnarmönnum útgáfunnar hafa sagt að þeir myndu segja sig úr stjórninni ef ársreikningurinn bærist ekki á réttum tíma. Þetta eru þeir Svenn Dam, Lars Lindström, Hermann Haraldsson og Jimmy Maymann.