Hamleys opnar fyrstu flaggskipsverslunina utan London

Breski leikfangarisinn Hamleys, sem er í eigu Baugs Group og stýrt af Íslendinginum Guðjóni Karli Reynissyni, mun í nóvember opna verslun í Dublin á Írlandi. Þetta verður fyrsta svokallaða flaggskipsverslunin* sem Hamleys opnar utan London.

Verslunin í Dublin verður ekki jafnstór og verslun Hamleys á Regent stræti í London en á besta stað. Forsvarsmenn Hamleys eru brattir þessa dagana og munu á næstu vikum opna flaggskipsverslun í Amman í Jórdaníu.

*Flaggskipsverslun er verslun sem er stærri en venjulegar verslunanir og yfirleitt staðsettar á besta stað í þeim borgum sem þær eru.