Áætlanir Sjælsö Gruppen um hagnað munu standast

Fasteignafélagið Sjælsö Gruppen í Danmörku stendur við fyrra álit sitt um að hagnaður félagsins í ár muni nema ríflega 12 milljörðum kr. Eignarhaldsfélagið Samson er stór hluthafi í Sjælsø Gruppen gegnum félagið SG Nord Holding A/S.

Börsen greinir frá því í dag að Sjælsö Gruppen hafi tekist að leigja 5.100 fm skrifstofuhúsnæði sem það á við Kalkbrænderihavn. Leigutakinn er Kroman Reumert og reiknað er með að hann flytji inn á næsta ári.

Þar að auki hefur Sjælsö samið við Devoteam Consulting um leigu á 20% af téðu húsnæði þannig að í allt hefur Sjælsö tekist að leigja út um 70% af skrifstofuhúsnæðinu. Og góðar líkur eru á að afgangurinn verði leigður fyrir áramót.

Börsen segir að þetta geri það að verkum að áform Sjælsö Gruppen um rúmlega 12 milljarða kr. hagnað, fyrir skatt, muni ganga eftir.