Brown og al-Thani funda um olíumál

Breski forsætisráðherrann Gordon Brown átti fund með tveimur leiðtogum í gær, þeim Dalai Lama, andlegum leiðtoga Tíbeta, og Hamad bin Jasim bin Jabir al-Thani, forsætisráðherra Katar.

Vart kemur það á óvart að olíuverð í heiminum var í brennidepli á fundinum en tunnan af hráolíu náði áður óþekktum hæðum í vikunni þegar hún kostaði um skamma hríð 135 bandaríkjadali. Ekki er laust við að minningar um olíukreppuna á áttunda áratug síðustu aldar séu farnar að skjóta upp kollinum, Vesturlandabúum til hrellingar. Ekki er það að undra þar sem spár gera jafnvel ráð fyrir að tunnan nái 150 og hugsanlega 200 bandaríkjadölum í fyllingu tímans með tilheyrandi áhrifum á hin vestrænu iðnríki.

Guardian greindi frá þessu.