Segir Rússa vera að einangrast vegna Georgíu

Utanríkisráðherra Bandaríkjanna segir að Rússar séu að einangrast vegna framferðis síns í Georgíu.

Condoleezza Rice sagði á fundi með fréttamönnum að það væri að renna upp fyrir Rússum að þeir þyrftu að greiða gjald fyrir hegðan sína.

Rice sagðist viss um að Rússar gerðu sér grein fyrir því að þeir séu að einangrast og það sé engin leið út úr þeim vanda önnur en standa við skuldbindingar sínar.

Rússar skrifuðu undir vopnahléssáttamála þar sem þeir meðal annars lofuðu að draga hersveitir sínar frá Georgíu. Við það hafa þeir ekki staðið.