Starbucks opnar 150 ný útibú í Evrópu

Kaffihúsakeðjan Starbucks ætlar að opna 150 ný útbú í Evrópu á næstu þremur árum. Um er að ræða stærsta samning sem Starbucks hefur gert utan Bandaríkjanna.

Starbucks mun eiga samvinnu við SSP í Bretlandi um þessi nýju útibú en þeim verður komið upp í Frakklandi og Þýskalandi auk Bretlands. Megnið af útibúunum verða sett upp á flugvöllum og járnbrautarstöðvum. SSP rekur Burger King og Pizza Hut í Evrópu.

Howard Schultz stjórnarformaður Starbucks segir í tilkynningu málið að Starbucks ætli að leggja aukna áherslu á útbreiðslu utan Bandaríkjanna á næstu árum, Þessi samningur nú verði stökkpallur fyrir Evrópumarkaðinn.