Verða fljótir á spítalann

Þeir sem slasast í þýsku borginni Stuttgart mega búast við að verða fluttir hratt og þægilega á sjúkrahús í framtíðinni.

Slökkviliðið þar í borg hefur tekið tvo Porsche Cayenne jeppa til sjúkraflutninga í flota sinn.

Talsmaður Porsche sagði að þetta hefði verið töluvert mál, því það hefði þurft að gerbreyta öllum innréttingum jeppanna.

Á þá var svo sett ný tegund sírenu sem er sögð heyrast betur í umferðinni en aðrar sírenur.

Talsmaðurinn sagði að þetta væri þó ekki markaður sem þeir hyggðust leggja mikla áherslu á.

Eina borgin sem hefur Porsche sjúkrajeppa í þjónustu sinni fyrir utan Stuttgart er Moskva.