Evrópubúar og Ástralir gúffa í sig McDonald´s

Skyndibitakeðjan McDonald's virðist ekki finna fyrir kreppunni ef marka má sölutölur í maí.

Fram kemur á fréttavef Bloomberg að sala félagsins á skyndibita hafi aukist um 7,7 prósent heiminum, mest í Bretlandi, Frakklandi og Ástralíu. Salan jókst mest í Evrópu og Asíu og Afríku en einnig jókst salan í Bandaríkjunum í mánuðinum.

Þróunin er nokkuð önnur en í mars síðastliðnum en þá minnkaði salan um tæpt prósent í Bandaríkjunum og var það í fyrsta sinn í fimm ár sem það gerðist. Stærstu hluti tekna McDonalds kemur frá Evrópu, eða 42 prósent á fyrsta ársfjórðungi þessa árs. Stærstur hluti hagnaðar keðjunnar kemur hins vegar frá Bandaríkjunum eða 47 prósent.