Stjórn Nyhedsavisen hótar að segja af sér

Stjórn útgáfufélagsins á bakvið fríblaðið Nyhedsavisen hótar nú að segja af sér ef eigendur útgáfunnar, Morten Lund og Stoðir Invest, tryggi ekki mjög bráðlega nýtt fjármagn til rekstursins.

Þetta kemur fram í blaðinu Berlingske Tidende í dag. Samhliða þessu eru skattayfirvöld með kröfu upp á rúmlega 100 milljónir kr. af ógreiddum virðisaukaskatti. Og Viðskipta-og félagaskráning Danmerkur hótar því að leysa útgáfuna upp ef ársreikingi fyrir síðasta ár verði ekki skilað fyrir 21. júlí næstkomandi.

Samkvæmt Berlinske er ósætti meðal eigenda útgáfunnar um hvernig beri að standa að því að afla nýs fjármagns til rekstursins.