Sothebys vonar að málverk Bacons bjargi sér

Uppboðsfyrirtækið Sothebys gerir ráð fyrir aðTriptych málverk eftir Francis Bacon, verði selt á allt að 70 milljónir Bandaríkjadala. Þetta samsvarar um 5,5 milljörðum íslenskra króna. Sothebys vonar að allt að 477 milljóna dala tekjur fáist í næstu viku, sem samsvarar 38 milljörðum króna.

Sothebys upplýsti í gær að tap hefði verið á rekstrinum á fyrsta ársfjórðungi 2008. Sothebys segir að tekjur hafi dregist saman um 12%, eða um 960 milljónir íslenskra króna. Talsmenn Sothebys segja að ástæðuna megi helst rekja til lægri tekna af sölu og meiri kostnaðar vegna starfsmannahalds.