Barn hrifsað af móður sinni í Danmörku

Tveir grímuklæddir menn rændu í dag fimm ára strák úr bíl móður hans í Virum í Danmörku. Móðirin var að sækja strákinn á leikskóla.

Hún var búinn að setja hann í barnabílstólinn þegar mennirnir réðust á hana. Þeir rifu barnið út úr bílnum fleygðu því inn í svartan skutbíl og óku á brott.

Móðirin var blóðug eftir árásina. Lögreglan á Norður-Sjálandi hefur sett mikið lið til að leita að ódæðismönnunum.

Drengurinn heitir Oliver og er af kínverskum uppruna. Móðirin hefur sagt lögreglunni að hún hafi ekki þekkt ræningjana.