Atli Gíslason: „Pólitísk ráðning sjálfstæðismanna"

Atli Gíslason, þingmaður VG og hæstaréttarlögmaður, segir það mjög miður að gengið hafi verið framhjá áliti dómnefndar við ráðningu héraðsdómara við Héraðsdóm Norðurlands - eystra og Héraðsdóm Austurlands.

„Þetta er pólitísk ráðning sjálfstæðismanna," segir Atli. Hann bendir á að dómnefndin vinni afar faglega að umsögn sinni. Hún leggi mikla vinnu í að skoða bakgrunn hvers umsækjenda og meti þá út frá fjöldamörgum forsendum. „Það hefur aldrei verið gengið framhjá matsnefndinni áður og ég vona bara að þetta verði einsdæmi," segir Atli.