Leikur ársins

Tímaritið Develope Magazine fær ár hvert 100 sérfræðinga úr leikjaiðnaðinum til að verðlauna þá sem þykja skara fram úr.

Að þessu sinni hlaut leikurinn Crackdown á Xbox 360 þann heiður að vera valinn leikur ársins. Leikurinn var hannaður af David Jones en hann á að baki leiki eins og Lemmings og Grand Theft Auto.

Meðal annarra verðlaunahafa voru Sony sem hlaut verðlaun fyrir heildarbrag fyrirtækisins, Eden Games fyrir bestu notkun á efni tengdu netinu og Rare fyrir bestu grafíkina í hinum stórfurðulega leik Viva Piñata.