Japanar bjóða í Barneys

Japanska fatakeðjan Fast Retailing hefur boðið 900 milljónir bandaríkjadala, tæpa 56 milljarða króna, í bandarísku verslanakeðjuna Barneys. Þetta er annað yfirtökutilboðið sem berst í verslanakeðjuna sem rekur verslanir víða um Bandaríkin. Hitt kom frá arabíska fjárfestingasjóðnum Istithmar upp á 825 milljónir dala, rétt rúman 51 milljarð, fyrir um hálfum mánuði.

Barneys er með þekktari verslunum New York en þar kynnti breski auðjöfurinn Philip Green nýjustu fatalínuna frá Topshop sem ofurfyrirsætan Kate Moss hannaði. Þá rekur keðjan þrjár verslanir undir merkjum Barneys í Tókýó í Japan.

Jones Apparel, eignarhaldsfélagið sem á og rekur Barneys, segir viðræður enn í gangi við Istithmar, sem tengist stjórnvöldum í Duabí, þótt annað tilboð hafi komið í verslanakeðjuna. Taki félagið hins vegar tilboði Japananna mun það þurfa að greða 22,7 milljónir dala, jafnvirði rúman 1,4 milljarða króna, samkvæmt samningi þar að lútandi, að sögn breska ríkisútvarpsins.